Hartlich Inladen to uns plattdüütsch-ökumeensken Gottesdeenst in de Jakobuskark.
„Du büst een Gott, de mi sücht ...“ is dat Woort, dat över dit Jahr steiht.
„Gott, dien Oogen sehnt mi ...“ dat seggt Hagar ut Ägypten an Gott. Off se dor ok an de Gottheiten van hör Volk denkt?
Dat 'Oog' is in de Religion van de Ägypters 'n wichtigen Bild, een Bild dorför, dat de Minschen Leeven un Lücht immer van neijen schunken worrn.
Wi freuen uns düchtig darop, dissen besünneren Gottesdeenst an Sönndag, de 5. November um Klock 10 Ühr gemeensam mit jo to fiern.
Blievt munter un bewohrt
Bettina Ley, Sophie Krömker & Team